વલસાડ તાલુકા કોળી પટેલ સમાજ પ્રગતિ મંડળ દ્વારા દર વર્ષની જેમ આ વર્ષે પણ આદ્યશક્તિની આરાધનાના પર્વ નવરાત્રી નિમિત્તે ભવ્ય શેરી ગરબા મહોત્સવનું સુંદર આયોજન કરવામાં આવ્યું હતું. જેમાં સમાજના ભાઈઓ-બહેનો અને બાળાઓ મોટી સંખ્યામાં પરંપરાગત પોશાકમાં ગરબે ઘૂમ્યા હતા.
આ મહોત્સવનો મુખ્ય ઉદ્દેશ્ય સમાજના લોકોમાં એકતા, સંસ્કૃતિનું જતન અને પરંપરાગત શેરી ગરબાનો ઉત્સાહ જળવાઈ રહે તેવો છે. કાર્યક્રમના અંતે શ્રેષ્ઠ પ્રદર્શન કરનાર ખેલૈયાઓને સમાજના અગ્રણીઓ અને દાતાઓ દ્વારા પ્રોત્સાહિત ઇનામો આપી સન્માનિત કરવામાં આવ્યા હતા.
